විදේශගතව සිට මෙරටට පැමිණෙන පුද්ගලයින් නිරෝදානය සඳහා යොමු කරනු ලබන සංචාරක හෝටල් සඳහා දිනකය රුපියල් 7500ක මුදලක් ගෙවීමට සිදුවන බව වාර්තා වේ.
කොරෝනා හෙවත් කොවිඩ්-19 වසංගතය හේතුවෙන් නැවත ශ්රී ලංකාවට පැමිණීමට අවශ්ය ශ්රී ලාංකිකයින් විසින් ලබා දිය යුතු තොරතුරු ඇතුළත් පිරවුම් පත්රයේ විමසා ඇති තොරතුරු අතර “රජය විසින් පවත්වාගෙන යනු ලබන නිරෝධායන මධ්යස්ථාන හෝ හෝටලයක පවත්වාගෙන යන නිරෝධායන මධ්යස්ථානයක් අනුගමනය කිරීමට ඔබ කැමතිද? [එක් හෝටලයකින් දිනකට පුද්ගලයෙකුට රුපියල් 7500 බැගින් – මීගමුවේ (ජෙට්විං බ්ලූ) සහ වස්කඩුවේ (සිට්රස්)]” යනුවෙනි.
මීට පෙර මාධ්ය මගින් පුළුල් ප්රචාරයක් ලබාදෙමින් සඳහන් කර තිබුනේ මෙම හෝටල් නිරෝධායන මධ්යස්ථාන ලෙස පවත්වාගෙන යාම සඳහා රජයට පරිත්යාග කිරීමට එහි හිමිකාරිත්වය කටයුතු කර ඇති බව ය. එහෙත් පසුව සමාජ මාධ්ය හා ප්රවෘත්ති වෙබ් අඩවි වාර්තා කර තිබුනේ සිට්රස් හෝටලයේ හිමිකරුවා වන දිල්ත් ජයවීර නැමැත්තා විසින් යළිත් එම තමන් වෙත ඉල්ලා රජයට ලිපියක් යොමු කර තිබූ බවයි.
කෙසේ වෙතත් මේ වනවිට වාර්තා වන කරුණු අනුව අනාවරණය වන්නේ එම හොටල්වල යම් විදේශගත ශ්රී ලාංකිකයෙකු නිරෝධායනය වන්නේනම් ඔහු අවම දින 14 සඳහා කෑමබීම සහිතව රුපියල් එක් ලක්ෂ පන් දහසක් (රු. 105,000) ගෙවිය යුතු බවය.
එමෙන්ම ඔවුන්ට මෙරටට පැමිණීම සඳහා ගුවන් ටිකට් පත් සඳහා අවශ්ය මුදල්ද තමන් විසින්ම ගෙවිය යුතු වේ.
එමෙන්ම විදේස්ගත ශ්රී ලාංකිකයන් ගෙන්වීමේදී ඔවුන් ගෙන්වීම පිළිබඳව ප්රමුඛතාවය ලබා දෙනු ලබන්නේ උක්ත හෝටල්වල නිරෝදායනයට කැමි පුද්ගලයන්ට වීමද විශේෂත්වයකි.
ජනතාව දැනුවත් කළ යුතු සුවිශේෂ පුවතක් හෙයින් lankatruth.com වෙතින් උපුටා ගන්නා ලදි – ප්රධාන සංස්කාරක
