2020 පාර්ලිමේන්තු මහ මැතිවරණය අගෝස්තු 05 වැනි බදාදා දින පැවැත්වීමට තීරණය කළ බව ජාතික මැතිවරණ කොමිසමේ සභාපති මහින්ද දේශප්රිය මහතා අද (10) පස්වරුවේදී මැතිවරණ කොමිෂමේදී පැවැති මාධ්ය හමුවේදී පැවසීය.
මේ පිළිබද ගැසට් නිවේදනය මුද්රණය කිරීමට යැවූ බව ද ඔහු සදහන් කළ අතර අද දින සවස එය මුද්රණයෙන් පිට කිරීමට රජයේ මුද්රණාලය විිසින් පියවර ගෙන තිබුණි.
මීට පෙර ප්රතිපත්තියක් ලෙස මැතිවරණය සෙනසුරාදා දිනයන්වල පැවැත්වීමට මැතිවරණ කොමිෂම පියවර ගෙන තිබුණ අතර මෙවර එය බදාදා දිනයක පැවැත්වීම විශේෂත්වයකි.
මෙම මාධ්ය හමුවේදී ජනමාධ්යවලට චෝදනා කළ මැතිවරණ කොමිසමේ සභාපති මහින්ද දේශප්රිය මහතා තමන් මීට පෙර පැවති මාධ්ය හමුවේදී කළ ප්රකාශයක් වැරදි ලෙස අර්ථ දක්වමින් ඇතැම් මාධ්යවල පළ කර තිබූ බවට චෝදනා කළේය.
“මම කිව්වෙ එක ම කොරෝනා රෝගියෙක්වත් නැහැයි කියල සෞඛ්ය සේවා අධ්යක්ෂ ජනරාල් අනිල් ජාසිංහ මහත්තයා කියනව නම් අපිට මාස දෙකක් යන්න කලින් මැතිවරණය තියන්න පුළුවන් කියලා. ඒත් සමහර මාධ්යවල පළ වුණේ, මහ මැතිවරණය පවත්වන්න එක රෝගියෙකුවත් නැති වෙනකම් මැතිවරණ කොමිසම බලාගෙන ඉන්නව කියලා.”
මෙහිදී මැතිවරණය දිනය තීරණය කළ ආකාරය ගැන කරුණු පැහැදිලි කරමින් මහින්ද දේශප්රිය මහතා පැවසුවේ ඡන්ද විමසීම නිසා කොරෝනාවෛරසය ව්යාප්තවීමට ඇති අවදානම වළක්වා ගැනීමේ අරමුණින් සෞඛ්ය ආරක්ෂණ ක්රමවේද අනුගමනය කළ යුතු බැවින් මාස දෙකක පමණ කාලයක් ඒ සදහා ගත විය හැකි බවය.
‘අපි මෙවර මහ මැතිවරණය සදහා වැය වන වියදම රු. කෝටි 650ක් ලෙසට ඇස්තමේන්තු කර තිබුණා. ඒත් වත්මන් තත්ත්වය යටතේ එම වියදම රුපියල් කෝටි 900 ද ඉක්මවිය හැකි බවට අපි ගණන් බලා තිබෙනවා‘
