කොවිඩ්-19 පාලනය සදහා සෞඛ්ය අංශ ලබා දෙන උපදෙස් ජනතාව පිළිපදිනවා ද යන්න ග්රාමීය කමිටු හරහා අධීක්ෂණය කිරීමට ග්රාමීය කමිටුවලට ශක්තිය ලබාදිය යුතු බවත් කොළඹ ආශ්රීතව සිර වී සිටි වතු ජනතාව නුවරඑළිය දිස්ත්රික්කය තුළ ම නිසි ක්රමවේදයකට නිරෝධායනයට ලක් කිරීම පිළිබද සෞඛ්ය අමාත්ය පවිත්රා වන්නිආරච්චි මහත්මිය සදහන් කළාය.
COVID19 හේතුවෙන් කොළඹ හා ඒ ආශ්රිත ප්රදේශවල සිර වී සිටි වතුකරයේ ජනතාව නිරෝධායනය කර තම නිවෙස් කරා යෑවීම පිළිබදව ගත යුතු ක්රියාමාර්ග සහ ගත යුතු තීන්දු තීරණ පිළිබද සාකච්ඡා කිරීම සදහා ඊයේ දින (12) සෞඛ්ය හා දේශීය වෛද්ය සේවා, කාන්තා හා ළමා කටයුතු සහ සමාජ ආරක්ෂණ අමාත්ය පවිත්රා වන්නිආරච්ච් මහත්මියගේ ප්රධානත්වයෙන් සහ ප්රජා සවිබලගැන්වීම සහ වතු යටිතල පහසුකම් සංවර්ධන අමාත්ය ආරුමුගන් තොණ්ඩමන් මහතාගේ සහභාගීත්වයෙන් විශේෂ රැස්වීමක් නුවරඑළිය දිස්ත්රික් මහ ලේකම් කාර්යාලයේ ශ්රවණාගාරයේ දී පැවැත්විනි.
මෙහිදී නුවරඑළිය දිස්ත්රික් ලේකම් එම්.බී.ආර් පුෂ්ප කුමාර මහතා ඇතුලු නිලධාරීන් පෙන්වා දෙන ලද්දේ COVID-19 වෛරසය ආරම්භයේ සිට ම දිස්ත්රික්කය තුල වෛරසය මැඩපැවැත්වීම සදහා සියළු ක්රියාමාර්ග ගත් බවය.
රට විවෘත කිීරීමෙන් පසුවද නුවරඑළිය දිස්ත්රික්කයේ ජනතාවගේ හා නුවරඑලියට පැමිණෙන ජනතාවගේ සෞඛය ආරක්ෂණය සදහා ගතයුතු ක්රියාමාර්ග පිළිබදවද අවධානය යොමු කර ඇති අතර, කොළඹ නගර සභා බල ප්රදේශය තුල සිටින පිරිස් නුවරඑලිය දිස්ත්රික්කයට එවීමේ දී නිරෝධායන කටයුතු සදහා යොදාගත හැකි ස්ථාන දැනටමත් හදුනාගෙන තිබෙන බවත් 600-700 ක් පමණ එම ස්ථාන තුල නිරෝධායනය කිරීමට සැළසුම් කර ඇති බවය.
COVID-19 වෛරසය ව්යාප්තියේ ආරම්භයේ සිටම නුවරඑළිය දිස්ත්රික්කයේ ජනතාව වෛරසයෙන් ආරක්ෂා කර ගැනීමට කටයුතු කිරීම පිළිබදවද, වසංගත රෝග තත්ත්වයක් රටේ තිබෙන අවස්ථාවක පළාත් සෞඛ්ය අධ්යක්ෂතුමා ඇතුලු පළාත් පාලන ආයතන, ප්රාදේශීය සභා ඇතුලු සියළු සෞඛ්ය අංශ සහ ත්රිවිධ හමුදාවේ පිරිස් දක්වන ලද දායකත්වයට ගෞරවය හා ස්තූතිය සෞඛ්ය හා දේශීය වෛද්ය අමාත්ය පවිත්රා වන්නිආරච්චි මහත්මිය මෙහිදී පුද කරන ලදි. තවද සෞඛ්ය අමාත්යතුමිය විසින් මෙහිදී පෙන්වා දෙන ලද්දේ ප්රාදේශීය මට්ටමින් සහ ග්රාමීය මට්ටමින් කමිටු පිහිටුවීම මගින් ද ඉදිරියට වෛරසයෙන් ආරක්ෂා වීම සදහා අවශ්ය ක්රියා මාර්ග ගත යුතු බවයි. ප්රජා පොලීසිය ද මේ සදහා සම්බන්ධ කර ගැනීම පිළිබදවත් වෛරසය මැඩපැවැත්වීම සදහා නිසි සෞඛ්ය උපදෙස් එක් එක් අංශ පිළිපදිනවා ද යන්න සොයා බැලිය යුතු බවත්ය.
එහිදී ග්රාමීය කමිටු වෙත එහි අධීක්ෂණ කටයුතු සදහා බලය ලබාදිය යුතු බව ද පෙන්වා දෙන ලදි. කොළඹ නගර සභා බල ප්රදේශය තුල වතු ජනතාව 1553 වන බවත් එම පිරිස් නුවරඑළිය දිස්ත්රික්කයට එවීමේ දී නිරෝධායනය කොට යොමු කිරීමේ ඇති හැකියාව පිළිබදව ද අවධානය යොමු කරමින් තොරතුරු ලේඛණයකට අනුව එක් එක් කාණ්ඩ යටතේ දිස්ත්රික්කය තුලම එම පිරිස් නිරෝධායනය කිරීම ද සුදුසු ක්රියා පිළිවෙතක් බවද පෙන්වා දෙන ලදි.
නිරෝධායනයට ලක්කරන අතරතුර දින 10 කින් PCR පරීක්ෂණ සිදු කිරීමත් එහිදී PCR පරීක්ෂණ කටයුතු සිදු කිරීමට අවශ්ය උපකරණ ධාරිතාවය ඉහළ නැංවීමට ද කටයුතු කළ හැකි බව ද සදහන් කරන ලදි. තෙල්දෙනිය රෝහලේ කොව්ඩි 19 ප්රතිකාර මධ්යස්ථානයක් බවට පත්කර ඇති බැවින් එහි සේවාවන් ඉහළ නැංවීමටත්, අවශ්ය සෞඛ්ය කාර්ය මණ්ඩල ඉහළ නැංවීමට කටයුතු කරන බව ද අමාත්යතුමිය පැවැසීය.
යම්හෙයකින් ඉදිරියේදී වෛරසයේ ව්යාප්තියක් ඇති වුවහොත් මෙන්ම රෝග ලක්ෂන නොපෙන්වන පිරිස් හදුනාගතහොත් ඔවුන්ට ප්රතිකාර කිරීම සදහා දිස්ත්රික්කය තුල ස්ථාන 03 ක් හදුනාගෙන තිබෙන බවට නිලධාරීන් විසින් සෞඛ්ය අමාත්යතුමිය මෙහිදී දැනුවත් කළ අතර, පුද්ගලික ආරක්ෂිත ඇදුම් හිඟයකින් තොරව ලබාදීමට සෞඛ්ය අමාත්යාංශය කටයුතු යොදා ඇති බැවින් අවශ්ය ප්රමාණයන් පිළීබද දැනුවත් කිරීම තුළින් බාධාවකින් තොරව අවශ්ය ප්රමාණයන් ලබා හැකි බවද අමාත්යතුමීය පෙන්වා දෙන ලදි.
එමෙන්ම මී උණ රෝගීන් සදහා ලබාදෙනු ලබන ඖෂධයේ කිසිදු හිඟයක් නොමැති බැවින් අවශ්ය ඖෂධ ප්රමාණය ඉදිරිපත් කළ විගස ලබාදීමට කටයුතු කරන බව ද අමාත්යවරිය පැවැසීය. කොරෝනා වෛරසයට සමගාමීව ඩෙංගු රෝගය පිළිබදව ඉහළ අවධානයක් යොමු කර රෝගය පාලනය සදහා අවශ්ය කටයුතු සිදු කරන ලෙස ද නිලධාරීන්ට උපදෙස් ලබාදෙන ලදි.
මෙම අවස්ථාව සදහා ප්රජා සවිබලගැන්වීම සහ වතු යටිතල පහසුකම් සංවර්ධන අමාත්ය ආරුමුගන් තොණ්ඩමන් මහතා, නුවරඑළිය දිස්ත්රික් ලේකම් එම්.බී.ආර් පුෂ්පකුමාර මහතා, හිටපු අමාත්ය සී.බී රත්නායක මහතා, ප්රජා සවිබලගැන්වීම සහ වතු යටිතල පහසුකම් සංවර්ධන අමාත්යාංශයේ ලේකම්, මධ්යම පළාත් ආණ්ඩුකාර ලලිත් ආර් ගමගේ මහතා, පළාත් සෞඛ්ය සේවා අධ්යක්ෂ තුමා, සෞඛ්ය අමාත්යාංශයේ අතිරේක ලේකම් වෛද්ය ලක්ෂ්මි සෝමතුංග මහත්මිය, නුවරඑළිය නියෝජ්ය පොලිස්පති තුමා, සෞඛ්ය අමාත්යතුමියගේ පෞද්ගලික ලේකම් කංචන ජයරත්න මහතා පළාත් සහ ප්රාදේශීය සෞඛ්ය සේවා අධ්යක්ෂවරු ඇතුලු පිරිසක් සහභාගි විය.
