සමගි ජන බලවේගයෙන් නාම යෝජනා භාරදී පසුගිය දා මහ මැතිවරණයට තරග කිරීමෙන් ඉවත් වූ මංගල සමරවීර මහතාට යළිත් එක්සත් ජාතික පක්ෂයට එක්වන ලෙස ආරාධනා කරන බව එක්සත් ජාතික පක්ෂයේෙ ජාතික සංවිධායක නවීන් දිසානායක මහතා පැවසීය.
එක්සත් ජාතික පක්ෂ මූලස්ථානයේ අද (12) පැවැති පැවැති මාධ්ය හමුවකදී ඔහු මේ බව පැවසීය.
මංලග සමරවීර මහතා එක්සත් ජාතික පක්ෂය වෙනුවෙන් විශාල වැඩ කොටසක් සිදු කර ඇති බවත් පක්ෂයේ දියුණුව වෙනුවෙන් යළිත් අත්වැල් බැඳ ගන්නා ලෙස තමා එතුමාට ආරාධනා කරන සිටින බවත් නවීන් දිසානායක මහතා සඳහන් කළේය.
වංචාවෙන් දූෂණයෙන් තොර රට වෙනුවෙන් වැඩක් කළ හැකි පුද්ගලයන් සදහා සිරිකොත එක්සත් ජාතික පක්ෂ මූලස්ථානය විවෘතව ඇති බවද නවීන් දිසානායක මහතා වැඩිදුරටත් සඳහන් කළේය.
