මෙහිදී මැතිවරණ කොමිෂමේ සාමාජිකයෙකු වන මහාචාර්ය රත්නජීවන් හූල් මහතා කළ ප්රකාශයක් සම්බන්ධයෙන් ජනමාධ්යකරුවන් කළ විමසීමට පිළිතුරු දෙමින් මහින්ද දේශප්රිය මහතා කියා සිටියේ අදාළ ප්රකාශයේ නිල පරිවර්තනයක් තමාට ලබාදිය යුතු බවයි.
අද දින පැවැත් වූ පෙරහුරු මැතිවරණයට අනුව නම් මහ මැතිවරණය පැවැත්වීමේ බරපතළ ගැටළුවක් නොමැති බව මැතිවරණ කොමිෂන් සභාවේ සභාපති මහින්ද දේශප්රිය මහතා පැවසුවේය.
මැතිවරණ කොමිෂමේ සභාපතිවරයා මේ බව කියා සිටියේ අද (07) අම්බලන්ගොඩ, විලේගොඩ ධම්මයුක්තිකාරාම විහාරස්ථ ධර්ම ශාලාවේ දී පැවති පෙරහුරු මැතිවරණයෙන් අනතුරුව මාධ්ය වෙත අදහස් දක්වමිනි.
මෙහිදී වැඩි දුරටත් අදහස් දැක්වූ මැතිවරණ කොමිෂමේ සභාපති මහින්ද දේශප්රිය මහතා,
‘මෙම පෙරහුරු මැතිවරණයෙන් බලාපොරොත්තු වූයේ දරාගත හැකි සාමාන්ය තත්ත්වයක් යටතේ ජන්ද විමසීමක් සිදුකරන්නේ කෙසේද යන්න පිළිබඳ තීරණයකට පැමිණීමයි. එකේදී පැයකට කොපමණ ජන්ද ප්රමාණයක් පාවිච්චි කරන්න පුළුවන්ද යන්න ගැන වැටහීමක් ලබා ගැනීමයි.
අපි අද උදේ 10.00ට ඡන්ද විමසීම පටන් අරගෙන 12.00ට අවසන් කරනකොට ජන්ද 239ක් පාවිච්චි කරලා තිබුණා. බැලුවම දැන් පෙනෙනවා පැය 09ක කාලයේදී අපට සාමාන්යයෙන් තනි පෝළිමක ජන්ද 900ක් 1000ක් වගේ ප්රමාණයක් ගන්න පුළුවන් කියල එක විදිහටම ජන්ද දායකයන්ගේ පැමිණීම තිබුණොත්.
නමුත් ලොකුවට සෙනග රැස්වුණොත් මේක පවත්වන්නේ කොහොමද? අනික මේ ජන්ද මධ්යස්ථානය සාමාන්යයෙන් අපේ පොතේ තියෙන ජන්ද මධ්යස්ථානයක්. ඇතුල් වීමට දොරටුවක් තිබෙනවා. පිටවීමට දොරටුවක් තිබෙනවා. හොඳින් වාතාශ්රය තිබෙනවා. මීට වඩා කුඩා ස්ථානයක තියන්නේ කොහොමද? එවැනි තත්ත්ව යටතේ මැතිවරණය පැවැත්වීමට ක්රියාමාර්ග හදාගැනීම සඳහා තමයි මේ නව ක්රමවේද වලට යන්නේ.”
ඒ වගේම තමයි ප්රජා ශාලා වැනි කුඩා ස්ථානවල ජන්ද විමසීමක් සිදුකරන්නේ කෙසේද යන්න පිළිබඳ තීරණයක් ගැනීමට අපට සිදුවෙනවා. ප්රජාතන්ත්රවාදය මිලෙන් අධිකයි. ඒක ලාබෙට ගන්න පුළුවන් දෙයක් නෙවෙයි. ජන්දයට යන වියදම අපි හිතන් හිටියේ අපි දන්න විදිහට කිව්වොත් කෝටි 600ක් 650ක් අතර මේක කෝටි 800 වෙයිද 900 වෙයිද කියලා කාටවත් කියන්න බැහැ. අපි ඒ වියදමත් සති සති දෙකකින් ගණන බලා ප්රකාශයට පත් කරනවා‘
මෙහිදී මැතිවරණ කොමිෂමේ සාමාජිකයෙකු වන මහාචාර්ය රත්නජීවන් හූල් මහතා කළ ප්රකාශයක් සම්බන්ධයෙන් ජනමාධ්යකරුවන් කළ විමසීමට පිළිතුරු දෙමින් මහින්ද දේශප්රිය මහතා කියා සිටියේ අදාළ ප්රකාශයේ නිල පරිවර්තනයක් තමාට ලබාදිය යුතු බවයි.
‘මම දෙමළ භාෂාව දන්නේ නැහැ. ඒ නිසා පිළිගත් භාෂා පරිවර්තකයෙක් මගින් කළ නිල පරිවර්තනයක් මට ලබා දිය යුතුයි. එවැන්නක් ලැබුණොත් මම සාධාරණ හා පිළිගත හැකි තීන්දුවක් ගන්නවා‘
