ක්රීඩා හා තරුණ කටයුතු අමාත්යංශයේ නව කැබිනට් අමාත්යවරයා ලෙස අද (18) දින සිය රාජකාරී ආරම්භ කළ නාමල් රාජපක්ෂ මහතාට අග්රාමාත්ය මහින්ද රාජපක්ෂ මහතා විසින් සුභ පැතුම් එක් කරන ලදී.
ක්රීඩා හා තරුණ කටයුතු අමාත්යංශයේ නව කැබිනට් අමාත්යවරයා ලෙස නාමල් රාජපක්ෂ මහතා අද (18) පෙරවරුවේ ක්රීඩා අමාත්යංශයේදී සිය ධූරයේ රාජකාරී භාර ගනු ලැබීය.
රාජකාරී භාර ගැනීමට පෙර ගරුතර මහා සංඝරත්නය ප්රමුඛ සර්ව ආගමික ආශිර්වාද ලබා ගත් අමාත්ය නාමල් රාජපක්ෂ මහ.ා, සුබ මොහොතින් සෙත් පිරිත් සජ්ජායනා මධ්යයේ සිය රාජකාරී ආරම්භ කරන ලදී.
මේ අවස්ථාව සඳහා අභයාරාම විහාරාධිපති මුරුත්තෙට්ටුවේ ආනන්ද ස්වාමීන් වහන්සේ, සිතුල් පව්ව රජමහා විහාරාධිපති මැටරඹ සෝම රතන ස්වාමීන් වහන්සේ, හුණුපිටිය ගංගාරාම විහාරාධිකාරී කිරින්දේ අස්සජී ස්වාමීන් වහන්සේ ඇතුළු මහා සංඝරත්නය වැඩම කළ වදාළහ.
අග්රාමාත්ය මහින්ද රාජපක්ෂ මහතා, ශිරන්ති රාජපක්ෂ මහත්මිය, අමාත්ය චමල් රාජපක්ෂ මහතා, යෝෂිත රාජපක්ෂ මහතා, රෝහිත රාජපක්ෂ මහතා හා ලිමිණි රාජපක්ෂ මහත්මිය යන පවුලේ සාමාජිකයින් ද මෙම අවස්ථාවට සහභාගි වූහ.
අමාත්ය ජොන්ස්ටන් ප්රනාන්දු මහතා, අමාත්ය ඩග්ලස් දේවානන්ද මහතා, රාජ්ය අමාත්ය ශෂේන්ද්ර රාජපක්ෂ මහතා හා අග්රාමාත්ය ලේකම් ගාමිණී සෙනරත් මහතා, ක්රීඩා හා තරුණ කටයුතු අමාත්යංශයේ ලේකම් අනුරාධ විජේකෝන් මහතා ඇතුළු රාජ්ය නිලධාරීන් ද මේ අවස්ථාවට සහභාගී වූහ.
