කොළඹ නගරය තුළ දිනකට COVID-19 රෝගීන් 35 ක් පමණ වාර්තා වන අතර එය රටේ අනෙකුත් බොහෝ ප්‍රදේශවලට වඩා බෙහෙවින් යහපත් බව කොළඹ මහ නගර සභාවේ (CMC) ප්‍රධාන වෛද්‍ය නිලධාරී වෛද්‍ය රුවන් විජයමුණි මහතා පැවසීය.
කොළඹ නගරය තුළ දැනට දිනකට රැපිඩ් ඇන්ටිජන් පරීක්ෂණ 150ක් පමණ සිදු කරන බව වෛද්‍ය විජයමුණි පැවසීය. “පරීක්ෂණ වැඩි වශයෙන් සිදු කරනු ලබන්නේ කැම්බල් උද්‍යානයේ පිහිටි පරීක්ෂණ මධ්‍යස්ථානයේ වන අතර නගරය තුළ ක්‍රියාත්මක වන ජංගම සේවාවක් ද පරීක්ෂණ සිදු කරයි,” ඔහු පැවසීය.
“මාසය තුළ මේ දක්වා නගරයේ COVID ආශ්‍රිත මරණ 14 ක් පමණක් සිදුවී තිබෙනවා. බොහෝ මරණ එන්නත් මාත්‍රාවක් හෝ ලබා නොගත් අයගෙයි. මාත්‍රාවක් හෝ දෙකක් ලබා ගත් කිහිප දෙනෙකු ද ඒ අතර සිටිනවා ”ඔහු පැවසීය.
මේ අතර ඔහු පැවසුවේ ජාත්‍යන්තර පාසල්වල සිසුන්ගෙන් සියයට 92 කට සහ රජයේ පාසල්වල සිසුන්ගෙන් සියයට 50 කට ආසන්න ප්‍රමාණයකට බූස්ටර එන්නත ලබා දී ඇති බවයි.
