මර්වින් සිල්වා එජාපයෙන් අනුරාධපුරයට
හිටපු අමාත්‍යවරයෙකු වන මර්වින් සිල්වාඅනුරාධපුර දිස්ත්‍රික්කයෙන් මහ මැතිවරණයට ඉදිරිපත් වන බව වාර්තා වෙනවා. එක්සත් ජාතික පක්ෂයේ මැදවච්චිය ආසන සංවිධායකවරයා ලෙසද ඔහුව පත්කර ඇති බවයි වාර්තා වන්නේ.
තම දේශපාලන පුනරාගමනය ගැන සදහන් කරමින් මර්වින් සිල්වා පවසා ඇත්තේ තමන් දුටු ගැමුණු රජතුමන් නතරකළ තැන සිට රට අනුරාධපුර දිස්ත්‍රික්කයේ සංවර්ධන කටයුතු ආරම්භ කිරීම තම අපේක්ෂා කරන බවයි.
තමන් හම්බන්තොට, ගම්පහ දිස්ත්‍රික්ක වලින් මැතිවරණ ජයගෙන ඇති බවත් අනුරාධපුර දිස්ත්‍රික්කයෙන් එක්සත් ජාතික පක්ෂය ජයග්‍රහණය කිරිම වෙනුවෙන් කැපවන බවත් මර්වින් සිල්වා පවසා තිබෙනවා.
පසුගිය මහින්ද රාජපක්ෂ යුගයේ ආන්දෝලනාත්මක චරිතයක් වන මර්වින් සිල්වා එම යුගයේ එජාපයේ දැඩි විවේචනයට ලක්වූ ඇමැතිවරයෙක් වශයෙන් සැලකුණා. විශේෂයෙන් එජාපයට හිතවත් මාධ්‍ය ආයතන හා මාධ්‍යවේදීන්ට පහරදීම, රූපවාහිනී සංස්ථාවට කඩා පැන එහි මාධ්‍යකරුවන්ට පහරදීම, සමෘද්ධි නියාමකවරයෙකු ගස් බැදීම ආදි කුප්‍රකට චෝදනා ඔහුට එරෙහිව තිබුණා.
ගැටුම අවසන් දයාසිරි – දුමින්ද – වීරකුමාර – ලසන්ත නාම යෝජනා අත්සන් කරති
ශ්‍රී ලංකා නිදහස් පක්ෂය සහ ශ්‍රී ලංකා පොදුජන පෙරමුණ අතර නාමයෝජනා අත්සන් කිරීම සම්බන්ධයෙන් පැවැති අර්බුදය අවසන් කරමින් ශ්‍රී ලංකා නිදහස් පොදුජන සන්ධානය යටතේ මහ මැතිවරණයට තරග කිරීම සඳහා ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර, ජාතික සංවිධායක දුමින්ද දිසානායක, මාධ්‍ය ප්‍රකාශක වීරකුමාර දිසානායක හා එම පක්ෂයේ භාණ්ඩාගාරික ලසන්ත අලගියවන්න යන මහත්වරුන් බත්තරමුල්ල නෙළුම් මාවතේ පිහිටි ශ්‍රී ලංකා පොදුජන පෙරමුණේ පක්ෂ මූලස්ථානයේදී අද (18) නාම යෝජනා පත්‍රයට අත්සන් කළා.
ශ්‍රී ලංකා නිදහස් පොදුජන නිදහස් සන්ධානයේ නාමයෝජනා පත්‍ර සකස් කිරීමේදී කොළඹ, අනුරාධපුර, කුරුණෑගල, ගම්පහ ඇතුළු බොහෝ දිස්ත්‍රික්කවලින් අවම අවස්ථාවන් ලබාදීම හේතුවෙන් ශ්‍රී ලංකා නිදහස් පක්ෂය නාමයෝජනා පත්‍ර අත්සන් කිරීම දින කිහිපයක් පමා කළා.
ඩිල්ෂාන්ට, අර්ජුන කමලනාත්ට සහ මුතුහෙට්ටිගමට නාම යෝජනා නෑ
ශ්‍රී පොදුජන පෙරමුණෙන් මහමැතිවරණයට තර කරන බව මාධ්‍ය හමු තබමින් කියා සිටි හිටපු ටෙස්ට් ක්‍රිකට් නායක තිලකරත්න දිල්ෂාන්ට නාය යෝජනා ලැබී නොමැති බව වාර්තා වෙනවා. ඔහු මීට කලකට පෙර, ජනපතිවරණ සමයේදී කියා සිටියේ ගෝඨාභය රාජපක්ෂ මහතාගේ ඉල්ලීම පිට තමා ගාල්ල දිස්ත්‍රික්කයෙන් මැතිවරණයට ඉදිරිපත් වන බවයි.
මේ අතර පසුගිය කාලයේ තම දේශපාලන ආගමනය ගැන මාධ්‍ය හමුවේ පුරසාරම් දෙඩූ නළු අර්ජුන් කමලනාත්ට ද නාම යෝජනා හිමි වුණේ නැහැ. ඔහු මීට පෙර ජාතික නිදහස් පෙරමුණේ නායක විමල් විරවංශ මහතාගේ ආරාධනයෙන් ගාල්ලෙන් ශ්‍රී ලංකා පොදුජන පෙරමුණෙන් තරග කරන බව සඳහන් කර තිබුණා.
තිලකරත්න ඩිල්ෂාන් සහ අර්ජුන කමලනාත් මීට මාස කිහිපයකට පෙර සිටම සමාජ මාධ්‍ය ඔස්සේ මැතිවරණ ප්‍රචාරක කටයුතු ආරම්භ කර තිබීම විශේෂත්වයක්.
මෙ අතර පසුගිය කාලයේ ආන්දෝලනාත්මක චරිතයක් වූ හිටපු පාර්ලිමේන්තු මන්ත්‍රී නිශාන්ත මුතුහෙට්ටිගමට ද මෙවර ඔහු නියෝජනය කළ ගාල්ල දිස්ත්‍රික්කයෙන් නාම යෝජනා ලැබී නැහැ.
ගාල්ල දිස්ත්‍රික්කයේ බද්දේගම ආසනයේ ශ්‍රීලනිප සංවිධායකවරයා වන මුතුහෙට්ටිගම මහමැතිවරණය ඉලක්ක කරගෙන පක්ෂ ක්‍රියාකාරින් හමුවෙමින් මැතිවරණ ප්‍රචාරක කටයුතු ආරම්භ කර තිබීම විශේෂත්වයක්.
රනිල් යළිත් සිරස මාධ්‍යකරුවෙක් දේශපාලනයට කැදවයි
මාධ්‍යවේදී මහේෂ් සේනානායක එක්සත් ජාතික පක්ෂයේ අපේක්ෂකයෙකු ලෙස මහනුවර දිස්ත්‍රික්කයෙන් මහ මැතිවරණයට ඉදිරිපත් වීම සඳහා අද (18) නාම යෝජනා අත්සන් කළා. ඒ එක්සත් ජාතික පක්ෂයේ නායක රනිල් වික්‍රමසිංහ ඇතුළු පක්ෂයේ ඉහළ පෙළ නායකයින් කිහිපදෙනෙකුම සිදුකළ ඉල්ලීමට අනුව බවයි වාර්තා වුණේ.
එක්සත් ජාතික පක්ෂ නායකයා පසුගිය කාලය පුරාම සිරිස මාධ්‍ය ජාලයට අයත් මාධ්‍යකරුවන් රැසක් දේශපාලනයට කැදලා ගත් අතර ඔවුන් සියලු දෙනාම ( ශ්‍රීරංගා, බුද්ධික පතිරණ, මනුෂ නානායක්කාර, සුසිල් කිදොලපිටිය, එස්.එම් මරික්කාර් ආදීන්) විශේෂත්වයක්.
