ලෝකයේ මානව සංවර්ධන දර්ශකය human development index ඉහළ අගයක් ගන්නා, එමෙන් ම ලෝක සෞඛ්‍ය සංවිධානයේ සෞඛ්‍ය සේවාවන් ශ්‍රේණිගත කිරීම් අනුව ඉහළම ස්ථාන වල සිටින ජර්මනිය, නොර්වේ, ස්වීඩනය, ඩෙන්මාර්කය, පින්ලන්තය ,ප්‍රංශය ආදී දියුණු රටවල පෞද්ගලික වෛද්‍ය විද්‍යාල තිබේද ?
සෞඛ්‍ය තත්වය ශ්‍රේණිගත කිරීම් අනුව ලෝකයේ මුල් ම ස්ථාන 40 අතර සිටින මෙම රටවල ලාභය මුල්කරගත් පෞද්ගලික වෛද්‍ය විද්‍යාල නැත. ජර්මනිය අයර්ලන්තය ඕස්ට්‍රේලියාව වැනි රටවල් කිහිපයක පමණක් භාරකාර මණ්ඩලයක් මගින් පාලනය වන ලාභ නොලබන පෞද්ගලික වෛද්‍ය විද්‍යාල 2 කට අඩු ප්‍රමාණයක් ඇත මහා බ්‍රිතාන්‍යය UK තුළ ද පිහිටා ඇත්තේ පුණ්‍යායතනක් ලෙස ක්‍රියාත්මක වන එක් පෞද්ගලික වෛද්‍ය විද්‍යාලයකි.
ලාභය මත ව්‍යාපාරයක් ලෙස පෞද්ගලික වෛද්‍ය උපාධි ලබා දෙන දකුණු ආසියාතික රටවල තත්වය කුමක්ද ?ලෝක සෞඛ්‍ය සංවිධානයේ ශ්‍රේණිගත කිරීම් අනුව ඔවුන්ගේ සෞඛ්‍ය සේවාවන් ලෝකයේ අයත් කරගෙන සිටි ස්ථාන සහ ඒ රටවල පෞද්ගලික වෛද්‍ය විද්‍යාල සංඛයාව ද සසඳා බලන්න. ඉන්දියාව පෞද්ගලික වෛද්‍ය විද්‍යාල සංඛ්‍යාව 250සෞඛ්‍ය ශ්‍රේණි ගත කිරීම 112්ය. පාකිස්ථානයේ පෞද්ගලික වෛද්‍ය විද්‍යාල 55ක් ඇති අතර ශ්‍රේණි ගත ගත කිරීම 122ය.
ශ්‍රී ලංකාව පෞද්ගලික වෛද්‍ය විද්‍යාල මේ දක්වා බිහිකර නැති අතර ශ්‍රේණි ගත කිරීම අනුව 76 වන ස්ථානයේ පසුවේ. ශ්‍රී ලංකාව ලෝක සෞඛ්‍ය සංවිධානයේ WHO දර්ශක අනුව දකුණු ආසියාවේ පළමු ස්ථානය සහ ලෝකයේ රටවල් 200 අතරින් 76 වන ස්ථානය අයත් කරගෙන ඇත.
මුදල් මත පදනම් වත් වෛද්‍ය උපාධිය විකුණන ඉන්දියාවේ පෞද්ගලික වෛද්‍ය විද්‍යාල 250 ක් සහ රාජ්‍ය වෛද්‍ය විද්‍යාල 220 ඇති අතර ,සෞඛ්‍ය දර්ශක වලට අනුව ඉන්දියාවට හිමිව ඇත්තේ දකුණු ආසියාවේ 3 වන ස්ථානය සහ ලෝකයේ 112 වන ස්ථානයයි.
රට තුළ පෞද්ගලික වෛද්‍ය විද්‍යාල පිහිටුවීම සහ වෛද්‍ය උපාධිය සඳහා විදේශගතව ගතවන ශිෂ්‍ය සංඛ්‍යාව අතර සම්බන්ධය කුමක් ද ?
පෞද්ගලික වෛද්‍ය විද්‍යාල පිහිටුවීම පිළිබඳ අවුරුදු 70 ඉතිහාසයක් පවතින ඉංදියාවේ වෛද්‍ය උපාධිය සඳහා විදේශගත වෙන ශිෂ්‍ය සංඛ්‍යාව අඩු වී නැති බව සංඛ්‍යා ලේඛනවලින් පැහැදිලි වේ. එංගලන්තය ඇමරිකාව රට වල වෛද්‍ය විද්‍යාල වල සිටින ඉන්දියානු ශිෂ්‍යයන්ගේ ප්‍රතිශතය 10-15% වැනි ඉතා ඉහළ අගයක් ගනී .
හැකි තරම් වෛද්‍යවරුන් බිහි කිරීමෙන් සෞඛ්‍ය සේවයේ ගුණාත්මක භාවය වැඩි වේ ද ?
උසස් සෞඛ්‍ය සේවාවක් පවත්වා ගැනීම සඳහා වෛද්‍යවරුන්, හෙදියන්, භෞත චිකිත්සකයන් විකිරණ ශිල්පීන් ඇතුළු සෞඛ්‍ය කාර්ය මණ්ඩලය යම් අනුපාතයට සිටිය යුතු ය
ශ්‍රී ලංකාව ලෝකයේ පවතින වෙනත් රටවල් අතරින් සුවිශේෂී තැනක් අත්කර ගැනීමට හේතු වී ඇත්තේ රටට මහගු දායාදයන් දෙකක් වූ නිදහස් අධ්‍යාපනය සහ නිදහස් සෞඛ්‍ය සේවයයි. කොරෝනා වසංගත තත්ත්වයේදී ඒ බව ලොව හමුවේ සනාථ විය.
ශ්‍රී ලංකාවේ වෛද්‍යවරුන්ට සාපේක්ෂව අනිකුත් සම සෞඛ්‍ය කාර්ය මණ්ඩලයේ විශාල හිඟයක් පවතී. මෙවැනි පසුබිමක ඉතා විශාල සංඛ්‍යාවකින් වෛද්‍යවරුන් බිහි කිරීමෙන් සෞඛ්‍ය සේවයේ අසමතුලිතතාවයක් ඇතිවේ. දැනට කළ යුතුව ඇත්තේ වෛද්‍යවරුන් සංඛ්‍යාවට සාපේක්ෂව අනෙකුත් සෞඛ්‍ය කාර්යය මණ්ඩලය වැඩි කර ගැනීමයි .
දකුණු ආසියාවේ කොරෝනා ආසාදිතයන් සංඛ්‍යාව සහ කොරෝනා මරණ සංඛ්‍යාව අතරින් පළමුවන වැඩිම සංඛ්‍යාවක් ඉන්දියාවෙන් වාර්තා වන අතර, දෙවෙනි ස්ථානය පකිස්ථානයට ද තුන්වැනි ස්ථානය බංග්ලාදේශය ට ද හිමි වී තිබිණි.
කොරෝනා මරණ සංඛ්‍යාව 01% වඩා අඩු සංඛ්‍යාවක් වාර්තා වන ශ්‍රී ලංකාවේ මේ වන විට සමාජ ව්‍යාප්තියද පාලනය කර ඇති අතර රෝගීන් සංඛ්‍යාව ද සාපේක්ෂව ඉතා අවම සංඛ්‍යාවක් දක්වා අඩු කර ගැනීමට සමත් වීම අති විශිෂ්ට ජයග්‍රහණයක් වන අතර, නිදහස් සෞඛ්‍ය සේවයසහ වෛද්‍ය අධ්‍යාපනයේ උසස් ප්‍රමිතිය ඊට හේතුවන ප්‍රධාන කාරණයකි.
