2 වැනි ඉන්දියා-නෝර්ඩික් සමුළුව බදාදා ඩෙන්මාර්කයේ කෝපන්හේගන්හි පැවැත්විණ. එහිදී නිදහස් වෙළඳාමේ වැදගත්කම යළිත් තහවුරු කළේය.
අග්‍රාමාත්‍ය නරේන්ද්‍ර මෝදි, ඩෙන්මාර්කයේ අග්‍රාමාත්‍ය මෙට් ෆෙඩ්රික්සන්, අයිස්ලන්ත අග්‍රාමාත්‍ය කැට්‍රින් ජාකොබ්ස්ඩෝටි, නෝර්වේ අගමැති ජෝනාස් ගාර් ස්ටෝර්, ස්වීඩනයේ අගමැතිනී මැග්ඩලීනා ඇන්ඩර්සන් සහ ෆින්ලන්ත අගමැතිනි සනා මැරින් යන අය සමඟ සමුළුවට සහභාගී විය.
සමුළුවවේදී නොර්ඩික් රටවල් සහ ඉන්දියාව අතර සහයෝගීතාව පුළුල් කිරීමට අගමැතිවරු ප්‍රතිඥා දුන්හ.
නෝර්ඩික් රටවල ස්වෛරී ධන අරමුදල්වලට ඉන්දියාවේ ආයෝජනය කරන ලෙස අගමැති මෝදි ආරාධනා කළ බව ඉන්දීය විදේශ කටයුතු අමාත්‍යාංශය පවසයි.
සමුළුවෙන් පසු නිකුත් කරන ලද ඒකාබද්ධ ප්‍රකාශයකට අනුව, ඉන්දියාව සහ නෝර්ඩික් රටවල් අතර ශක්තිමත් හවුල්කාරිත්වයක් නවෝත්පාදන, ආර්ථික වර්ධනය, දේශගුණික හිතකාමී විසඳුම් සහ අන්‍යෝන්‍ය වශයෙන් ප්‍රයෝජනවත් වෙළඳාම සහ ආයෝජන ප්‍රවර්ධනය කිරීමට සහයෝගය ලබා දෙන බවට අගමැතිවරු එකඟ වූහ.
නිල් ආර්ථිකය තිරසාර ලෙස කළමනාකරණය කළහොත් ආර්ථික වර්ධනය, නව රැකියා, වැඩිදියුණු කළ පෝෂණය සහ ආහාර සුරක්ෂිතතාව ඉහළ නැංවිය හැකි බවට අගමැතිවරු එකඟතාවයෙන් පැවසූහ.
ප්‍රමුඛ සාගර රාජ්‍යයන් ලෙස, ඉන්දියාව සහ නෝර්ඩික් රටවල් යහපත් භාවිතයන් සහ තාක්‍ෂණික හුවමාරුව හරහා නැව් කර්මාන්තය අඩු කාබන් අනාගතයක් කරා පරිවර්තනය කිරීමේ හවුල්කාරිත්වයේ ප්‍රතිලාභ පිළිබඳව එකඟ වූ බව ඒකාබද්ධ ප්‍රකාශය පෙන්වා දෙයි.
සාගර, සමුද්‍ර සහ සුළං අංශ ඇතුළුව ඉන්දියාවේ සහ නෝර්ඩික් රටවල තිරසාර සාගර කර්මාන්ත සඳහා ව්‍යාපාරික සහයෝගීතාව සහ ආයෝජන උත්තේජනය කිරීමේ හැකියාව පිළිබඳව නායකයෝ සාකච්ඡා කළහ.
2 වන ඉන්දියා-නෝර්ඩික් සමුළුව පශ්චාත් වසංගත ආර්ථික ප්‍රකෘතිය, දේශගුණික විපර්යාස, තිරසාර සංවර්ධනය, නවෝත්පාදනය, ඩිජිටල්කරණය සහ හරිත හා පිරිසිදු වර්ධනය යන අංශ කෙරෙහි අවධානය යොමු කරන ලදී.නවෝත්පාදන සහ ඩිජිටල් මුලපිරීම් සඳහා ඉන්දීය රජයේ කැපවීම සමුළුවේ නියකයෝ සාදරයෙන් පිළිගත්තේය.
තාක්ෂණයට වඩා හොඳ ජීවින තත්වයකට දායක විය හැකි අතර හවුල් ගෝලීය අභියෝග විසඳීමට සහාය විය හැකි බව සමුළුවේදී සමුළු නායකයන් සඳහන් කළේය. රාජ්‍ය සේවාවන් ඉලෙක්ට්‍රොනිකව පුරවැසියන්ට වඩාත් පහසුවෙන් ලබා ගත හැකි බවට ඩිජිටල් ඉන්දියාව උදාහරණයක් බව නායකයින් සඳහන් කළ බව ඒකාබද්ධ ප්‍රකාශයේ සඳහන් වේ.
අධ්‍යාපනය, සංස්කෘතිය, ශ්‍රම සංචලනය සහ සංචාරක ව්‍යාපාරය හරහා ශක්තිමත් පුද්ගලයන්-ජනතාව සම්බන්ධතා වල වැදගත්කම සහ ඉන්දියාව සහ නෝර්ඩික් රටවල් අතර සහයෝගීතාව වැනි පුළුල් වන සියලුම ක්ෂේත්‍ර, අවධාරණය කරන ලදී යැයි ඒකාබද්ධ ප්‍රකාශය වැඩිදුරටත් සඳහන් කළේය.
2018 වසරේ ස්ටොක්හෝම් හි පැවති 1 වන ඉන්දියා-නෝර්ඩික් සමුළුවේ සිට ඉන්දියා-නෝර්ඩික් සබඳතාවල ප්‍රගතිය සමාලෝචනය කිරීමට මෙම සමුළුව අවස්ථාවක් ලබා දුන් බව ඉන්දීය විදේශ කටයුතු අමාත්‍යාංශය පවසයි.
තිරසාර සාගර කළමනාකරණය කෙරෙහි අවධානය යොමු කරමින් සමුද්‍රීය අංශයේ සහයෝගීතාව පිළිබඳව ද සාකච්ඡා කෙරිණි. විශේෂයෙන්ම ඉන්දියාවේ සාගර්මාලා ව්‍යාපෘතියේ නිල් ආර්ථික අංශයේ ආයෝජනය කරන ලෙස අගමැති නෝර්ඩික් සමාගම්වලට ආරාධනා කළ බව ඉන්දීය විදේශ කටයුතු අමාත්‍යාංශය වැඩිදුරටත් පැවසීය.ආක්ටික් කලාපයේ නෝර්ඩික් කලාපය සමඟ ඉන්දියාවේ හවුල්කාරිත්වය ද සාකච්ඡා කෙරිණි.
ඒකාබද්ධ ප්‍රකාශයට අනුව, රුසියානු හමුදා විසින් යුක්රේනයට එරෙහිව නීතිවිරෝධී ආක්‍රමණයන් දැඩි ලෙස හෙළා දකින බව නෝර්ඩික් අගමැතිවරු යළිත් අවධාරණය කළහ.
යුක්රේනයේ පවතින මානුෂීය අර්බුදය පිළිබඳව අග්‍රාමාත්‍යවරු දැඩි කනස්සල්ල පළ කළහ. ඔවුන් යුක්රේනයේ සිවිල් මරණ හෙළා දුටුවේය. එදිරිවාදිකම් වහා නැවැත්වීමේ අවශ්‍යතාව ඔවුහු යළිත් අවධාරණය කළහ.
2 වන නෝර්ඩික් සමුළුවට සමගාමීව, අගමැති මෝදි අයිස්ලන්තය,ඩෙන්මාර්ක, නෝර්වේ, ස්වීඩනය සහ ෆින්ලන්තයේ අගමැතිවරුන් සමඟ ද ද්විපාර්ශ්වික රැස්වීම් ද පැවැත්වීය.
ඉන්දියා නිවුස් නෙට්වර්ක්ස්
