බොහෝ විශ්වවිද්‍යාල සිසුන් විදේශයන්හි හොඳ අවස්ථා සොයා ශ්‍රී ලංකාව හැර යන බවත් එය ආර්ථිකයට බරපතළ ප්‍රශ්නයක් වී ඇති බවත් පේරාදෙණිය විශ්වවිද්‍යාලයේ ආර්ථික විද්‍යාව පිළිබඳ මහාචාර්ය වසන්ත අතුකෝරල මහතා පවසයි.
මහාචාර්ය අතුකෝරල පවසන පරිදි, තාක්ෂණ හා කෘෂිකර්මය පිළිබඳ උපාධිධාරීන්ගෙන් බහුතරයක් උසස් අධ්‍යාපනය සඳහා විදේශ ගත වන අතර ඔවුන් නැවත පැමිණීමට අකමැති වීම නිසා අදාළ අංශවල සැලකිය යුතු කුසලතා සහිත ශ්‍රමිකයින්ගේ හිඟයක් නිර්මාණය වී ඇත.
මේ සම්බන්ධයෙන් වැඩි දුරටත් සිය අදහස් දැක්වූ මහාචාර්ය අතුකෝරල ප්‍රකාශ කළේ රාජ්‍ය විශ්වවිද්‍යාල පද්ධතියට බඳවා ගන්නේ සිසුන් 45,000ක් පමණ බවත්, උසස් පෙළ විභාගයෙන් A සාමාර්ථ 3ක් ඇති දරුවන්ට එය තරගකාරී බව නිසා විටෙක පිළිගැනීමක් නොලැබෙන බවත්ය.
“ධනවත් පවුල්වලට තම දරුවන් ශ්‍රී ලංකාවේ පෞද්ගලික විශ්වවිද්‍යාලවලට යැවීමට හැකියාව තිබෙනවා. මේ වන විට පෞද්ගලික හා රාජ්‍ය විශ්වවිද්‍යාල අතර දැවැන්ත තරගයක් තිබෙනවා. නමුත් රාජ්‍ය විද්‍යාල වල වැඩ වර්ජන, ශිෂ්‍ය උද්ඝෝෂණ හා අකාර්යක්ෂමතාවය වැනි බාධක සමඟ සිරවී සිටින අතරේ පෞද්ගලික ආයතන ඉදිරියට යමින් සිටිනවා. විදේශීය සිසුන් ආකර්ශනය කර ගන්නා අවිනිශ්චිතතාවයන් සහිත පුද්ගලික විශ්ව විද්‍යාල අපි නිදහස් කළ යුතුයි. අපි අපේ අධ්‍යාපන ක්‍රමය නවීකරණය කළ යුතු අතර එමඟින් අපට විදේශ අවස්ථා ලබා ගත හැකියි‘ මහාචාර්යවරයා වැඩි දුරටත් පැවසීය.
උසස් පෙළ හදාරන පිරිමි සිසුන්ගේ සහභාගීත්වය කැපී පෙනෙන ලෙස පහළ යමින් තිබෙන බවත් මේ හේතුව මත අධ්‍යාපනයේ ස්ත්‍රී පුරුෂ අනුපාතයෙහි අසමානතාවයක් ඇති බවත් මහාචාර්යවරයා වැඩිදුරටත් සඳහන් කළේය.
“ශ්‍රී ලංකාවේ පිරිමි ජනගහනයට වඩා කාන්තා ජනගහනය මිලියනයක් වැඩි නමුත් මෙම පරතරයට හේතු විය හැක්කේ පිරිමින් තම අධ්‍යාපනය දිගටම කරගෙන යනවා වෙනුවට ඉක්මනින් රැකියා සොයා ගැනීමට උත්සාහ කිරීම යි. මෙම අවස්ථා කාන්තාවන්ට නොලැබෙන නිසා ඔවුන් සාමාන්‍යයෙන් උසස් අධ්‍යාපනය අපේක්ෂා කරනවා,” ඔහු පැවසීය.
රජයේ පාසල්වලට බඳවා ගන්නා ළමුන් සංඛ්‍යාවේ සැලකිය යුතු අඩුවීමක් පෙන්නුම් කරන බවත් මහාචාර්ය අතුකෝරාළ පෙන්වා දුන්නේය.
“2018 සිට 2023 දක්වා හය වසරක කාලය තුළ රජයේ පාසල්වල සිසුන් 300,000ක අඩුවීමක් සහ පෞද්ගලික පාසල්වල සිසුන් 3,700ක සුළු අඩුවීමක් දක්නට ලැබුණා. මධ්‍යම පන්තික බලාපොරොත්තු ඉහළයි. තම දරුවන් හොඳ රජයේ පාසලකට යැවීමට දෙමාපියන්ට අවස්ථාවක් නොලැබුණහොත් ඔවුන් ඔවුන්ව පෞද්ගලික පාසලකට යවනවා. එයින් අදහස් වන්නේ රජයේ පාසල් අඩු බව නොවේ. නමුත් සම්පත් වෙන්කිරීමේ සහ ගුණාත්මක භාවයේ වෙනසක් තිබෙනවා. ශ්‍රී ලාංකීය සන්දර්භයක් තුළ, තම දරුවන්ට අධ්‍යාපනය ලබා දීම අතිශයින්ම ප්‍රමුඛස්ථානයක් වන බැවින් දෙමාපියන් වැඩි මුදලක් වැය කරනවා‘ ඔහු වැඩි දුරටත් සඳහන් කළේය.
මූලාශ්‍රය – ඩේලි මිරර්
