ඇමෙරිකානු ඩොලර් බිලියන 12.26 ක ණය ආධාරයක් අප්‍රිකානු රටවලට ඔවුන්ගේ සමාජ-ආර්ථික සංවර්ධනය සඳහා ඉන්දියාව ලබා දී ඇති බව ඉන්දීය විදේශ කටයුතු පිළිබඳ රාජ්‍ය අමාත්‍ය රාජ්කුමාර් රන්ජන් සිං බදාදා දින අප්‍රිකානු සැමරුම් උත්සවයේදී පැවසීය.
මෙම ණය සහනය යටතේ මේ දක්වා ව්‍යාපෘති 193ක් අවසන් කර ඇති අතර ව්‍යාපෘති 66ක් දැනට ක්‍රියාත්මක වෙමින් පවති.එමෙන්ම නව ව්‍යාපෘති 88ක් ආරම්භ කිරීමට යෝජිතව පවතින බව විදේශ කටයුතු පිළිබඳ රාජ්‍ය අමාත්‍යවරයා පැවසීය.
“මෙම ව්‍යාපෘති අතර පානීය ජල සැපයුම, කෘෂිකාර්මික යාන්ත්‍රිකකරණය සහ වාරිමාර්ග සිට සූර්ය විදුලිය, බලාගාර, සම්ප්‍රේෂණ මාර්ග දක්වා විවිධ අංශ ආවරණය කරයි.
තාක්ෂණික උද්‍යානය සහ දුම්රිය යටිතල පහසුකම් නිර්මාණය කිරීම සඳහා සිමෙන්ති කම්හල් වැනි ධාරිතා ගොඩනැගීමේ ව්‍යාපෘති ද මේ අතර වන බව ඉන්දීය ”විදේශ කටයුතු පිළිබඳ රාජ්‍ය අමාත්‍ය අමාත්‍යවරයා සදහන් කළේය.
තුන්වන ඉන්දියා-අප්‍රිකා සංසද සමුළුවෙන් පසු අප්‍රිකානු හවුල්කරුවන්ට ව්‍යාපෘති සඳහා ප්‍රදාන වශයෙන් ඇමරිකානු ඩොලර් මිලියන 700 ක් ඉන්දියාව ලබා දී ඇති බව ඉන්දියා නිවුස් නෙට්වර්ක්ස් වාර්තා කරයි.
ඉන්දියා-අප්‍රිකා හවුල්කාරිත්වය පිළිබඳව දීර්ඝ ලෙස කතා කරමින් ඔහු මෙසේ පැවසීය: “අපගේ හවුල්කාරිත්වය පදනම් වී ඇත්තේ සමානාත්මතාවය, අන්‍යෝන්‍ය ගෞරවය සහ ප්‍රතිලාභ යන මූලධර්මය මත ය
“ඉන්දියා-අප්‍රිකා හවුල්කාරිත්වය සංවර්ධන හවුල්කාරිත්වය, වෙළඳාම සහ ආයෝජනය යන ස්ථාපිත කුළුණු හතරකින් අර්ථ දක්වා ඇත. මෑත වසරවලදී ඉන්දීය-අප්‍රිකා හවුල්කාරිත්වය සෞඛ්‍ය, හරිත, තිරසාර සහ ඩිජිටල් ක්ෂේත්‍ර දක්වා පුළුල් වෙමින් පවති.
වෙළඳාම සහ ආයෝජන සම්බන්ධයෙන්, ඉන්දියාව අප්‍රිකාව සඳහා විශාලතම හවුල්කරුවෙකි. 2018-19 දී අප්‍රිකාව සමඟ ඉන්දියාවේ ද්විපාර්ශ්වික වෙළඳාම ඇමරිකානු ඩොලර් බිලියන 69.7 ක් විය. ආයෝජනය සම්බන්ධයෙන් ගත් කල, 1996 සිට 2021 දක්වා එක්සත් ජනපද ඩොලර් බිලියන 70.7ක සමුච්චිත ආයෝජන ඉන්දියාව දැනට අප්‍රිකාව වෙනුවෙන් කර ඇත.අප්‍රිකාවේ පස්වන විශාලතම ආයෝජකයා ඉන්දියාව වේ යැයි අමාත්‍යවරයා පැවසීය.
පසුගිය වසරේ ජනවාරි මාසයේ සිට බලාත්මක වූ අප්‍රිකානු මහාද්වීපික නිදහස් වෙළඳ ගිවිසුම මගින් ඉන්දියාව – අප්‍රිකාව අතර වෙළෙඳ හා වාණිජ්‍යය කටයුතු තවදුරටත් පුළුල්ව කිරීමට අමතර ශක්තියක් සපයනු ඇතැයි අමාත්‍යවරයා පැවසීය.ඉන්දියාව අප්‍රිකානු තරුණයින් අතර ධාරිතා ගොඩනැගීමට සහ නිපුණතා සංවර්ධනයට පහසුකම් සලසමින් අප්‍රිකාව සමඟ ඇති සම්බන්ධය තුළ මානව ස්පර්ශයක් ලබා දෙයි.
තුන්වන ඉන්දීය අප්‍රිකානු සංසද සමුළුව අතරතුර, ඉන්දියානු තාක්ෂණික සහ ආර්ථික සහයෝගීතා (ITEC) වැඩසටහන සහ වෙනත් විවිධ ශිෂ්‍යත්ව යෝජනා ක්‍රම යටතේ වසර පහක කාලයක් තුළ ශිෂ්‍යත්ව 50,000 දක්වා දෙගුණ කරන බවත් දැනට අප්‍රිකානු තරුණ තරුණියන් ශිෂ්‍යත්ව 32,000ක් ලබාගෙන ඇති බවත් අමාත්‍යවරයා පැවසීය.
ඉන්දියානු ගුරුවරුන් තරුණ අප්‍රිකානුවන්ගේ අධ්‍යාපනයට දායක වනවා මෙන්ම “දහස් ගණනක් අප්‍රිකානු සිසුන් ඉන්දියාවේ උසස් අධ්‍යාපනය හැදෑරීම මගින් ද ජාතිය ගොඩනැගීමට සහ සමාජ සංවර්ධනයට දායක වීම ගැන ඉන්දියාව සතුටට පත්වන බව ඔහු වැඩිදුරටත් පැවසීය.
