ඉන්දියාවේ නැගෙනහිර ලඩාක් කලාපය සැබෑ පාලන රේඛාව ඔස්සේ තත්ත්වය සමාලෝචනය කරමින්, ඉන්දියාව සහ චීනය දේශ සීමාව දිගේ සාමය සහ සන්සුන් භාවය යළි ස්ථාපිත කිරීම සඳහා සාකච්ඡා කළහ.
බීජිං හි පැවති ඉන්දු-චීන දේශසීමා කටයුතු පිළිබඳ උපදේශනය සහ සම්බන්ධීකරණය සඳහා වූ ක්‍රියාකාරී යාන්ත්‍රණයේ 26 වැනි රැස්වීමේදී මෙම සාකච්ඡා සිදු විය. 2019 ජූලි මාසයේ පැවති 14 වන රැස්වීමෙන් පසු පුද්ගලිකව පවත්වනු ලබන පළමු ඉන්දු-චීන දේශසීමා කටයුතු රැස්වීම මෙය විය.
2020 ජුනි මාසයේදී, නැගෙනහිර ලඩාක් හි ඉන්දියානු සහ චීන හමුදා අතර ඇති වූ ආතති ගැටුමක් ගැල්වාන් නිම්නයේ ප්‍රචණ්ඩ මුහුණුවරකට තුඩු දුන්නේය. ඉන්දීය සොල්දාදුවන් 20 දෙනෙකුට ජීවිත අහිමි විය. චීන හමුදා විශාල සංඛ්‍යාවක් ද මිය ගිය නමුත් චීනය කිසි විටෙකත් සැබෑ මරණ සංඛ්‍යාව නිල වශයෙන් තහවුරු කර නොමැත.
එතැන් සිට සාකච්ඡා වට කිහිපයකින් එම කලාපයේ ස්ථාන කිහිපයකදී විසන්ධි වීමට හේතු විය.
ඉන්දියාවේ විදේශ කටයුතු අමාත්‍යාංශයට අනුව, නවතම ඉන්දු-චීන දේශසීමා කටයුතු රැස්වීමේදී, දෙපාර්ශ්වය විසින් බටහිර ඉන්දීය-චීන දේශසීමා ප්‍රදේශවල සැබෑ පාලන රේඛාව ඔස්සේ තත්ත්වය සමාලෝචනය කරන ලදී.
බටහිර අංශයේ සැබෑ පාලන රේඛාව දිගේ සාමය සහ සන්සුන් භාවය ප්‍රතිෂ්ඨාපනය කිරීමට සහ ද්විපාර්ශ්වික සබඳතා සාමාන්‍ය තත්ත්වයට පත් කිරීම සඳහා කොන්දේසි නිර්මානය කිරීමට උපකාර වන විවෘත හා නිර්මාණාත්මක ආකාරයෙන් ඉතිරි ප්‍රදේශ වල විසන්ධි කිරීම සඳහා වූ යෝජනා දෙපාර්ශවය සාකච්ඡා කළහ.
පවතින ද්විපාර්ශ්වික ගිවිසුම් සහ ප්‍රොටෝකෝලවලට අනුකූලව මෙම අරමුණ සාක්ෂාත් කර ගැනීම සඳහා, ජ්‍යෙෂ්ඨ අණදෙන නිලධාරීන්ගේ මීළඟ (18 වැනි) වටය කලින් දින පැවැත්වීමට ඔවුහු එකඟ වූහ. හමුදා සහ රාජ්‍ය තාන්ත්‍රික මාර්ග ඔස්සේ සාකච්ඡා දිගටම කරගෙන යාමට දෙපාර්ශවය එකඟ වූ බව ඉන්දීය විදේශ කටයුතු අමාත්‍යාංශය වැඩිදුරටත් සඳහන් කළේය.
ඉන්දීය දූත පිරිස විදේශ කටයුතු අමාත්‍යාංශයේ (නැගෙනහිර ආසියාව) සම ලේකම් විසින් මෙහෙයවන ලද අතර, චීන නියෝජිත පිරිස මෙහෙයවනු ලැබුවේ චීන විදේශ කටයුතු අමාත්‍යාංශයේ දේශසීමා සහ සාගර කටයුතු දෙපාර්තමේන්තුවේ අධ්‍යක්ෂ ජනරාල්වරයා විසිනි.
ඉන්දියාවට සහ චීනයට දේශසීමා ගැටළු සම්බන්ධයෙන් සාකච්ඡා සහ සහයෝගීතාව සඳහා වේදිකාවක් ලබා දීම සඳහා ඉන්දු-චීන දේශසීමා කටයුතු 2012 හි පිහිටුවන ලදී.
ඉන්දියා නිවුස් නෙට්වර්ක්ස්
