X-PRESS PEARL නෞකාවෙන් වෙරළට එකතු වන විෂ අපද්‍රව්‍ය රට තුළම විනාශ කිරීමේ සූදානමක්

කොළඹ වරායටට ආසන්න මුහුදේදී ගිනිගෙන විනාශ වූ X-PRESS PEARL නෞකාවෙන් ශ්‍රී ලංකා වෙරළට එකතු වන විෂ අපද්‍රව්‍ය රටතුළම විනාශ කිරීමට අවශ්‍ය කටයුතු සුදානම් කර ඇතැයි මධ්‍යම අධිකාරියේ උපද්‍රවකාරී අපද්‍රව්‍ය කළමනාකරණ අංශයේ අධ්‍යක්ෂ අජිත් වීරසුන්දර මහතා පවසනවා.

මාධ්‍ය වෙත විශේෂ ප්‍රකාශයක් කරමින් වීරසුන්දර මහතා අද (31) මේ බව ප්‍රකාශ කළා.

මේ පිළිබද වැඩි දුරටත් කරුණු පැහැදිලි කළ වීරසුන්දර මහතා, ‘‘කොළඹ වරායටට ආසන්න මුහුදේදී ගිනිගෙන විනාශ වූ X-PRESS PEARL නෞකාවෙන් ශ්‍රී ලංකා වෙරළට එකතු වන විෂ අපද්‍රව්‍ය රටතුළම විනාශ කිරීමට අවශ්‍ය කටයුතු සුදානම් කර තිබෙනවා. මේ වන විට පුත්තලම සිට ගාල්ල දක්වා වෙරළෙන් අපද්‍රව්‍ය කන්ටේනර් 12ක් එකතුකර තිබෙනවා. වෙරළ පිරිසිදු කිරීම අවසානයේ එම අපද්‍රව්‍ය පිරවූ කන්ටේනර් 40ක් පමණ එකතු වේවි යැයි අපි සිතනවා. මේ අප ද්‍රව්‍ය සමග විශාල වශයෙන් වැලිත් තිබෙනවා. ඒ වැලි සමග තමයි මේ අපද්‍රව්‍ය එකතු කිරීම සිදුවෙන්නේ. මේ අපද්‍රව්‍ය විනාශ කිරීමට අදාළ තාක්ෂණය අප රට තුළ තිබෙනවා‘‘

මේ අතර අද පැවැති මාධ්‍ය හමුවකදී පරිසර විද්‍යාඥ අජන්තා පෙරේරා මහත්මිය සදහන් කළේ නැව තුළ වූ බහාලුම්වලින් නිකුත් වූ නයිට්‍රික් අම්ලය මුහුදට වැටීම සමග ඒ අසල සිටි සියලුම මුහුදු ජීවීන් සහ කොරල්පර දියවී විනාශයට පත් වූ බවයි.

‘‘නයිට්‍රික් අම්ලය මුහුදට වැටුණු ගමන් ඒ අසල සිටි සියලුම කුඩා මසුන් දියවී මිය ගියා. ඒ වගේම කොරවල් පර දියවී විනාශයට පත් වුණා. කොරල්පරයක අගල් තුනක් නිර්මාණය වීමට වසරක් ගත වෙනවා. මේ තත්ත්වය තුළ අපේ මුහුදු තීරයේ කොරල් පරවලට දැවැන්ත විනාශයක් සිදුවෙලා තිබෙනවා‘‘ යැයි පරිසර විද්‍යාවරිය පැවසුවාය.

අද මාධ්‍ය වෙත කරුණු පැහැදිලි කළ සමුද්‍ර පරිසර ආරක්ෂණ අධිකාරියේ සභාපතිනී නීතිඥ දර්ශනී ලහදපුර මහත්මිය සදහන් කළේ නෞකාවෙන් සිදුවන පරිසර විනාශය වැළැක්වීම සදහා පියවර තුනකින් යුතු සැලසුම් සකස් කර ඇති බවයි.

‘‘එහි පළමු පියවර තමයි කඩිනම් හා විධිමත් පවිත්‍ර කිරීම. දෙවැනි පියවර තමයි මේ එකතු කරන අපද්‍රව්‍ය විධිමත් පරිදි විනාශ කිරීම. තෙවැනි පියවර ලෙස විනාශයට පත් පරිසර පද්ධතියට ප්‍රතිෂ්ඨාපනය කිරීමට සැලසුම් සකස් කර තිබෙනවා.

විනාශයට පත් නෞකාවෙන් මුහුදට එකතු වූ විෂ අපද්‍රව්‍ය පුත්තලම සිට ගාල්ල දක්වා වෙරළ තීරයේ විසිරි පවතිනවා.

මේ අතර අද පැවැති මාධ්‍ය හමුවකදී පොලිස් මාධ්‍ය ප්‍රකාශක අජිත් රෝහණ මහතා සදහන් කළේ අපරාධ පරීක්ෂණ දෙපාර්තමේන්තුවේ නිලධාරීන් අද (31) දින නැවේ කපිතන්වරයාගෙන් සහ ඉංජිනේරුවරයාගෙන් ප්‍රකාශ සටහන් කර ගත් බවයි.

Loading...

Related Posts

Leave a Reply

Your email address will not be published. Required fields are marked *