20 සංශෝධනයේ කර්තෘ ‘කරුණා – පිල්ලෙයාන්’ මිසක් ව්‍යවස්ථා විශාරදයෙක් වෙන්න බෑ

Spread the love

20 වන ව්‍යවස්ථා සංශෝධනය කරුණා – පිල්ලෙයාන් වගේ මරාගෙන මැරෙන්න පුුරුදු වූ කෙනෙකුගේ වැඩක් මිසක් ප්‍රජාතන්ත්‍රවාදී ව්‍යවස්ථා විශාරදයෙකු ගේ නිර්මාණයක් වෙන්න බෑ.  20 සංශෝධනයේ කර් තෘ හැංගිලා.   නීතිය, දේශපාලනය, ප්‍රජාතන්ත්‍රවාදී රාජ්‍ය පාලනය ගැන හැගීමක්, අවබෝධයක් තිබෙන ප්‍රජාතන්ත්‍රවාදය විශ්වාස කරන කිසිම ව්‍යවස්ථා විශාරදයෙක් මෙවැනි විනාශකාරී ලියවිල්ලක් සකස් කරන්නේ නැතැයි හිටපු ආණ්ඩුකාර රජිත් කීර්ති තෙන්නකෝන් මහතා පවසයි.

අද (13) නාරාහේන්පිට පැවති පුවත්පත් සාකච්ඡාවක් අමතමින් තෙන්නකෝන් මහතා පැවසූවේ, 20 සංශෝධනයෙන් ගෙනෙන්නේ මේ රටේ කවුරුවත් ඉල්ලපු දේවල් නෙවෙයි.  ජනාධිපතිවරයාගේ බලය ශක්තිමත් කරන්න ‘ජාතික විගනණ කොමිසම‘ වහන්න ඕනි ද?  ප්‍රසම්පාදන කොමිෂන් සභාව වහන්න ඕනි ද? මේ රටේ කවුරුවත් ජනාධිපති කාර් යාලය, අගමැති කාර් යාලය විගණනයෙන් ඉවත් කරන්න ඉල්ලනවා ද? මේ වගන්ති ලිව්වේ කවුද? කාගේ අවශ්‍යතාවයට ද, මේවා 20ට ඇතුළත් කළේ යැයි?  මේ රටේ ජනතාව දැනගත යුතු යැයි ද තෙන්නකෝන් මහතා පවසයි.

ආණ්ඩුවේ නලීන් සිල්වා, ගුණදාස අමරසේකර, වෛද්‍ය වසන්ත බණ්ඩාර, අසංග නවරත්න, විමල් වීරවංශ පමණක් නොවෙයි රාජපක්ස පවුලේ සමීපතම මන්ත්‍රීවරු පවා මේ සංශෝධනයට විරුද්ධයි.  ශ්‍රීලනිප මෙයට විරුද්ධ වේ යැයි මම සිතන්නේ නෑ. නමුත්, ආණ්ඩු පක්ෂ කණ්ඩායම තුලම මෙයට විරුද්ධව මතයක් දැන් ඇති වෙලා තියෙනවා. යැයි ද තෙන්නකෝන් මහතා පැවසීය.

අධිකරණ සේවා කොමිෂන් සභාවේ සාමාජිකයින් ලෙස සම්ප්‍රදායක් ලෙස පත් කරනු ලැබූවේම අගවිනිසුරුතුමා සහ ශ්‍රේෂ්ඨාධිකරණයේ ජ්‍යෙෂ්ඨතම විනිසුරුවන් දෙදෙනා යි. මේ රටේ කවුරුත් කණිෂ්ඨ විනිසුරුවරු ‘අධිකරණ සේවා කොමිෂන් සභාවට පත් කරන්න කියලා ඉල්ලා තියෙනවා ද? මෙවැනි කටයුතු වලින් සිදුවෙන්නේ මහජන ඡන්දයෙන් පත් වුණු ගෝඨාභය ජනාධිපතිවරයාත්, මේ රටේ අදටත් ජනප්‍රියම දේශපාලනඥයා වන මහින්ද රාජපක්ෂ මහතාත් දේශපාලන විනාශ කිරීමට පාර කැපීම පමණයි. 

20 වගේ බලකාමී ලියවිල්ලක් ලියන්නට පුළුවන් කරුණා – පිල්ලෙයාන් වගේ මරාගෙන මැරෙන බෝම්බකරුවන් පුහුණු කළ අයෙකුට පමණයි.  ආණ්ඩුක්‍රම විශාරදයෙකුට,  විධායකය, ව්‍යවස්ථාදායකය, අධිකරණය අතර තුලන හා සංචරණ ක්‍රියාවලිය ගැන විශ්වාස කරන කිසිවෙක් මෙවැනි විනාශකාරී ලියවිල්ලක් ලියන්නේ නෑ.

වත්මන් ව්‍යවස්ථාවේ 33 වගන්තියේ තියෙනවා, ජනාධිපතිවරයා ගේ කාර්යය විය යුත්තේ,

ජාතික ප්‍රතිසන්ධානය හා ඒකාබද්ධතාවය ප්‍රවර්ධනය කිරීම,

නිදහස් හා සාධාරණ ඡන්ද විමසීම් සහ ජනමත විචාරණ පැවැත්වීමට සඳහා උචිත වාතාවරණය නිර් මානය කිරීම කියලා.

මේ රටේ කවුරුත්, ජනාධිපතිවරයා ‘ජාතික ප්‍රතිසන්ධානය හා ඒකාබද්ධතාවයෙන්‘ ඉවත් කරන්න ඉල්ලා සිටියා ද?

නිදහස් හා සාධාරණ ඡන්ද විමසීම් පැවැත්වීමට උචිත වාතාවරණය නිර් මානය කිරීමෙන් ඉවත් කරන්නට යෝජනා කළා ද? මේ වගේ යෝජනාවලින් ගම්‍ය වන්නේ කුමක් ද? ජනාධිපතිවරයා මෙවැනි ‘ජාතික ප්‍රතිසන්ධානයට, ජාතික ඒකාබද්ධතාවයට, ‘නිදහස් හා සාධාරණ මැතිවරණවලට‘ අකමැති බව කියන්නට නේද?

මෙවැනි යෝජනාවක් ඉදිරිපත් කරන්නට පුළුවන්ම ‘කරුණා – පිල්ලෙයාන් වගේ තමනුත් මරාගෙන, තමන්ගේ හතරවටේ ඉන්න හැමෝම මරාදමන්නට සුදානම් මරාගෙන මැරෙන බෝම්බකරුවෙකුට පමණයි.

අදත්, මේ රටේ ජනප්‍රියම දේශපාලනඥයා මහින්ද රාජපක්ෂ බව එතුමාගේ විරුද්ධවාදීන් පවා පිළිගන්නවා.  වරක් අගමැති ආර්.ප්‍රේමදාස මහතා කිව්වා, තමන් ගේ අගමැතිකම පියන් තනතුරක් වගේ බව.  ජේ.ආර්. ගේ ව්‍යවස්ථාවේ පියන් අගමැති, විධායක අගමැති මට්ටමට ගෙනාවේ 19 යි.  අගමැතිවරයාට ආණ්ඩුක්‍රම ව්‍යවස්ථාවෙන් ලබා දී තිබෙන බලය, කලින් හිටපු රත්නසිරි වික්‍රමනායක, දී.මු. ජයරත්න ට විතරක් නෙවෙයි, අර ලෙඩ ඇදේ හිටපු සිරිමා බණ්ඩාරනායක මහත්මියටත් වඩා අඩු කරන්න යෝජනා කිරීමෙන් මේ රටට සිදුවන යහපත කුමක් ද? අගැමතිවරයාට විතරයක් නෙවෙයි කැබිනට් මණ්ඩලයට තිබෙන බලතල විශාල ප්‍රමාණයක් 20 සංශෝධනයෙක් කපා දමා තිබෙනවා. 20 සම්මත වුනොත්, මහින්ද රාජපක්ෂ සහ කැබිනට් මණ්ඩලය නැවත ‘පියන්‘ ගේ තත්වයටම වැටෙනව.  මේ රටේ කවුරුත් අගමැති මහින්ද මහත්තයා පියන් කෙරෙක් කරන්න ඉල්ලලා තියෙනවා ද?

මේ රටේ කවුරුවත්, ඇමති මණ්ඩලය 30 ට වැඩිය අසීමිතව වැඩි කරන්නට ඉල්ලනවා ද?  රාජ්‍ය ඇමතිවරු, නියෝජ්‍ය ඇමතිවරු එක සැරයක් හිටියා වගේ සීයයට වැඩි ගානක් පත් කරන්න ඉල්ලනවා ද? නැතිනම්, ආමත්‍ය මණ්ඩලය අඩු කරන්නට ද ඉල්ලන්නේ?  2015 ජනාධිපතිවරණයේ දී මහින්ද මහත්තයා විනාශ වුනේ අති විශාල අමාත්‍ය මණ්ඩලයක් පත් කිරීමට එල්ල වූ ජනතාව විරෝධය නිසා කියලා 20 සංශෝධනය ලියපු අයට අමතක වෙලා තියෙනවා. 

20 වන ව්‍යවස්ථා සංශෝධනයෙන් අවුරුද්දකට පස්සේ පාර් ලිමේන්තුව විසිරුවා හැරීමේ බලය ජනාධිපතිවරයාට ලැබෙනවා.  70 (1) වගන්තියෙන්, අවුරුදු 5 කින් විිසුරුවන්න ජනතාව ඡන්දය දෙන ආණ්ඩුව අවුරුද්දකට පස්සේ විසිරුවන්න ජනාධිපතිට බලය දෙන්න මේ රටේ කවුරුහරි ඉල්ලුවා ද? මේවා කාගේ උවමනාවට ලියන දේවල් ද?

19 වන ව්‍යවස්ථා සංශෝධනය අහේසි කරනවා කියන්නේ 

ජනාධිපතිවරයාගේ විධායක බලය සීමා කරන වගන්ති 13 ක්
විධායකය, පාර් ලිමේන්තුව, අධිකරණය කියන ආයතන අතර තුලන හා සංචරනය ක්‍රියාවලිය පාලනය කරන වගන්ති 26 ක්,

මානව හිමිකම් පිළිබඳ වගන්තියක්

අගමැති හා කැබිනට් මණ්ඩලයට බලය ජනාධිපතිවරයාගේ බලය ලබා දුන් වගන්ති 3 ක්, කියන සියල්ලම අහෝසි කිරීමක්.

මහින්ද රාජපක්ෂ අගමැතිවරයාගේ බලය අඩු කරන්න ජනමත විචාරණයක් තිබ්බොත් මේ රටේ මිනිසුන් එයට අනිවාර්යයෙන්ම පරද්දනවා. මොකද එතුමා තවමත් මේ රටේ ජනප්‍රිතම දේශපාලනඥයා නිසා.

කවුද මේ මහජන ඡන්දයෙන් පත් වෙච්ච ජනාධිපති ඝෝඨාභය රාජපක්ෂ, අගමැති මහින්ද රාජපක්ෂ දෙදෙනාම දේශපාලනිකව විනාශ කරන 20 වන සංශෝධනය ලිව්වේ?

මේ රටේ රාජ්‍ය සේවයට පැමිණෙන කම්රුවෙක් වුනත් 53 වන වගන්තියේ 7 වන උප ලේඛනයේ තියෙන මේ රට බෙදන්නේ නෑ කියන දිවුරුම ලබා දෙනවා. දැන් ඒකත් අයින් කරලා.  මේවැනි උවමනාවක් තියෙන්න පුළුවන් පිල්ලෙයාන් – කරුණා අම්මාන් ට වගේ මරාගෙන මැරෙන්න පුහුණු කරපු අයට විතරයි.

පාර්ලිමේන්තුවට හදිසි පනත් ගෙන ඒම, නැවැත්වීම අත්‍යවශ්‍යයි.  ඉතිහාසය පුරාම ගෙනපු හදිසි පනත් මිනිස්සුන්ගේ මානව හිමිකම් උල්ලංඝනය කළා. රටේ ප්‍රජාතන්ත්‍රවාදය විනාශ කළා. 

නව පනත් කෙටුම්පතක් ගැසට් කිරීමෙන් පසුව මහජන සංවාදය දිලා තියෙන දින 14 ක කාලය, දින 7 දක්වා අඩු කරන්නේ  සංශෝධනය ලිපිය කවුරුහරි බල උන්මත්තකයෙක් මිසක් මහජන වරමක් තියෙන ජනාධිපතිවරයෙක්, අගමැතිවරයෙක් ගේ අවශ්‍යතාවයට වෙන්න බෑ.

මම දැක්කා, මේ ආණ්ඩුව හදන්න මැදිහත් වුණු බල කේන්ද්‍ර යේ ඉන්නවා කියලා අපි හිතාගෙන හිටපු ගුණදාස අමරසේකර, නලීන් සිල්වා වගේ අය පවා මේ යෝජනාවලට විරුද්ධ වෙනවා.

මේ මරාගෙන මැරෙන 20 වන සංශෝධනය ගුණදාස අමරසේකර ලා, බල කේන්ද්‍ර යෙන් පරිධියටම තල්ලු කරලා දාලා තියෙනවා. දැන්, බල කේන්ද්‍ර යේ ඉදන්, මහජනතාවගේ ඡන්දයෙන් තේරී පත් වූ අගමැතිවරයා සහ කැබිනට් මණ්ඩලයට මේ මරාගෙන මැරෙන ප්‍රහාරය එල්ල කරන ලියවිල්ල සකස් කළේ කවුද කියලා දැනගන්න පොහොට්ටුවට ඡන්දය දුන් සෑම රටවැසියෙකුට අයිතියක් තියෙනවා.

විගණකාධිපතිගේ ඉරණම

ලෙකෝ, රක්ෂණ සංස්ථාව, ලංකා හොස්පිට්ල්, ශ්‍රී ලංකන්, ලෙට්රෝ ගෑස්, ලංකා සතොස, ගල්අගුරු සමාගම, වතු සමාගම්  මෑත කාලයේ දුෂණ වංචා පිළිබඳ චෝදනා එල්ලවූ ආයතන වෙනවා.  20 න් මෙවැනි ආයතන 127 ක් විගණනය කිරීමට ඇති බලය විගණකාධිපතිගෙන් ඉවත් කරලා තියෙනවා. ලෙකෝ, ලෙට්රෝ ආයතන කාගේ කාගේ හරි බිල් ගෙවන එකයි මේකෙන් වෙන්නේ.  බංකොලොත් වෙන එකයි මේකෙන් වෙන්නේ.  මේ ආයතන ටික මරාගෙන මැරෙන්න හදන කෙනෙකුට මිසක් මෙවැනි යෝජනාවක් කරන්න පුළුවන් ද?

ජනාධිපති, අගමැති කාර් යාල ආණ්ඩුක්‍රම ව්‍යවස්ථාවේ 154 (1) වගන්තිය යටතේ විගණනය කළ යුතු ආයතන වෙනවා. සිල්රෙදි වගේ වැඩක් දෙන්නට නොවේ නම්, ඇයි මේ වගන්ති ඇතුළත් කරන්නේ.  ජනාධිපති ලේකම්, අගමැති ලේකම් මරාගෙන මැරෙන්න නොවේ නම්, ආයෙත් සැරයක් හිරේ දාන්න නේද මේ උත්සහ කරන්නේ?

RSL

Related Posts