කොළඹ වරායට අති තර්ජනය දරුණුයි – වරාය අධිකාරියේ සභාපති

Spread the love

මහජන පරීක්ෂක පද්ධතිය ශක්තිමත් කිරීමටකින් තොරව කොවිඩ්-19 ආවේක්ෂණ ක්‍රියාවලිය ඉදිරියට යා නොහැකි බවත් කොළඹ දිස්ත්‍රික්කයේ කොවිඩ් පාලන කටයුතු මහජන සෞඛ්‍ය පරීක්ෂකවරුන්ගෙන් ගිලිහීම බරපතළ තත්ත්වයක් බවත් රජයේ වෛද්‍ය නිලධාරීන්ගේ සංගමයේ සංස්කාරක වෛද්‍ය හරිත අලුත්ගේ මහතා අද (29) කොළඹදී පැවති මාධ්‍ය හමුවකදී පැවසීය.

රෝහල් පද්ධතිය තුළ කොවිඩ් උප පොකුරු ඇති වීමේ අවදානමක් වර්ධනය වෙමින් පවතින බව කී අලුත්ගේ මහතා ඒවා පාලනය කිරීම සඳහා අවශ්‍ය ක්‍රියාමාර්ග ගත යුතු බව ද සදහන් කළේය.

මෙහිදී හරිත අලුත්ගේ මහතා කියා සිටියේ මෙම සියලු කටයුතු මනා සම්බන්ධීකරණයකින් යුතුව සිදුවිය යුතු බවයි.

බිම් මට්ටමේ ආසාදිතයින් ආවේක්ෂණය කිරීමේ තාක්ෂණික ක්‍රියාවලියේ ඍජු ලෙස නිරතවෙලා ඉන්න කණ්ඩායම තමයි මහජන සෞඛ්‍ය පරීක්ෂකවරු. මහජන සෞඛ්‍ය පරීක්ෂකවරුන්ගේ සංගමයට පැහැදිලිවම කියන්න සිද්ධ වුණා ලංකාවේ සමහර තැන්වල PHI මහත්වරුන්ගේ පාලනයෙන් මේ ආවේක්ෂණ ක්‍රියාවලිය ගිලිහෙමින් පවතිනවා කියලා. මේක ඉතාම බරපතළ තත්ත්වයක්. ඒ වගේම බරපතළ ප්‍රකාශයක්. විශේෂයෙන් කොළඹ මහනගර සභා සීමාව ඇතුළේ මෙහෙම තත්ත්වයක් තියෙනවා නම් බලධාරීන්ගේ වගකීම තමයි එතැනට වැඩි පිරිසක් යොමුකරලා මේ ක්‍රියාවලිය බිඳවැටීමකින් තොරව මහජන සෞඛ්‍ය පරීක්ෂකවරුන්ගේ සහ සෞඛ්‍ය පද්ධතියේ පාලනය තුළ මේ ක්‍රියාවලිය තබා ගන්න අවශ්‍ය කරන සම්පත් ඒ අයට ලබා දෙන්න‘‘

මෙහිදී වැඩි දුරටත් කරුණු දක්වමින් වෛද්‍ය හරිත අලුත්ගේ මහතා කියා සිටියේ දෛනිකව වාර්තා වන නව ආසාදිතයින් අතර 100කට අධික පිරිසක් කොළඹ සහ ගම්පහ දිස්ත්‍රික්කවලින් වාර්තාවන බවයි. එම ප්‍ර දේශ මොනවාද යන්න ගැන වසංගත රෝග විද්‍යා අංශ කරුණු හෙළි නොකරන බව ද වෛද්‍ය අලුත්ගේ මහතා කියා සිටියේය.

කොළඹ වරායට අති තර්ජනය දරුණුයි – වරාය අධිකාරියේ සභාපති

මේ අතර අද (29) විශේෂ මාධ්‍ය සාකච්ඡාවක් කැදවිමන් වරාය අධිකාරියේ සභාපති, විශ්‍රාමික ජෙනරාල් දයා රත්නායක මහතා  කියා සිටියේ, කොළඹ වරාය අවට ප්‍රදේශය කොවිඩ් වෛරස ව්‍යාප්තිය බහුල ප්‍රදේශයක් බවත්, එය වරාය කටයුතු වලටද තර්ජනයක් වී ඇති බවත්ය.

මෙම තර්ජනයෙන් බේරීම ගත හැකි සියලු ක්‍රමවේදය සෞඛ්‍ය අමාත්‍යාංශය සහ වරයා ආරක්ෂක අංශ සියලුදෙනා එකතුවී රැගෙන ඇති බව ද සදහන් කළ සභාපතිවරයා මෙසේද සදහන් කළේය.

‘‘කොළඹ වරාය සහ අවට ප්‍රදේශ තමයි ලංකාවේ දරුණුම තත්ත්වයේ මේ දෙවැනි රැල්ල සමග තියෙන්නේ. ගම්පහ සහ මාළු මාකර්ට් එක, බ්ලුමැන්ඩල් ප්‍රදේශය, මෝදර ප්‍රදේශය වැඩි හරියක් සේවකයින් ඉන්නේ, අපිට අනුබද්ධ සේවා සපයන අය ඉන්නේ, මේ ප්‍රදේශවල ඉන්නේ. ඒ අය ගෙනල්ලා මේ විදියට පාලනය කරගෙන ඉන්න එක තමයි සුවිශේෂි දේ කියලා අපි හිතනවා. තර්ජනය දරුණුයි. ඒ තර්ජනයෙන් බේරෙන්න ගන්න පුළුවන් උපරිම ක්‍රමවේදය සෞඛ්‍ය අමාත්‍යාංශය සහ අපේ ආරක්ෂක අංශ සියලුදෙනා එකතුවෙලා අපි ඒවා කරනවා. නිවෙස්වලින් එන අය අපි වෙනම තියලා තියන්න. එනකොටත් යනකොටත් පරීක්ෂා කරලා අරන් යන ක්‍රමවේදයක් අපි නිර්මාණය කරලා තියෙනවා. දිනපතා යන එන පිළිබඳ ක්‍රමවේදයක් අනුගමනය කරගෙන කටයුතු කරන්නේ. ඔවුන්ගේ විස්තරත් අපි දිනපතා බලනවා. ඕවා අස්සෙන් යන අයත් ඉන්නවා. ඒවා අහුවුණොත් ඒවට අවශ්‍ය පියවරත් ගන්නවා.“

කොවිඩ් -19 ආසාදිතයින් 23,000 පනී

මේ අතර අද දින (29)  දිනය තුළ කොවිඩ්-19 ආසාදිතයින් 323 දෙනෙකු හඳුනා ගෙන ඇතැයි රජයේ ප්‍රවෘත්ති දෙපාර්තමේන්තුව විසින් නිකුත් කළ මාධ්‍ය නිවේදනයක සදහන් වේ. ඒ අනුව මෙරට දී හඳුනාගත් සමස්ත කොවිඩ් ආසාදිතයින් ගණන 23,311ක් දක්වා ඉහළ ගොස් ඇති බවයි එම නිවේදනයේ වැඩි දුරටත් සදහන් වන්නේ.

අද දිනයේ කොවිඩ් ආසාදිතව සිටි පුද්ගලයින් 346 දෙනෙක් පූර්ණ සුවය ලැබීමත් සමග මෙරට සමස්ත සුවය ලැබු ආසාදිතයින් ගණන ද 17,002ක් දක්වා ඉහළ ගිය බවයි එම නිවේදනයේ වැඩි දුරටත් සදහන් වන්නේ.

අද දිනයේ වාර්තා වු ආසාදිතයින් සියලු දෙනා මීට පෙර වාර්තා වු ආසාදිතයින්ගේ ආශ්‍රිතයින් බවත්ඒ අනුව, මිනුවන්ගොඩ හා පෑලියගොඩ කොවිඩ් පොකුර 19,773ක් ලෙස වාර්තා වන බව ද රජයේ ප්‍රවෘත්ති දෙපාර්තමේන්තුව සඳහන් කරයි.

මෙරට රෝහල්ගත සමස්ත ආසාදිතයින් ගණන 6,200ක් බව ද එහි වැඩි දුරටත් සදහන් වෙ.

RSL

Related Posts