පැලකරගෙන යන තනි ආණ්ඩු සංකල්පය ස්වයං උඟුලක් (විශේෂ)

තම ආණ්ඩු බලයක් යටතේ පැවති පළාත් පාලන ඡන්දයේ පරාජිත ප්‍රතිඵලයත් සමඟ අරාජික වූ එක්සත් ජාතික පක්ෂය මේ වන ඉන් ගොඩ ඒමට මං පෙත් සොයමින් සිටී. දිනකට සාකච්ඡා වට 4, 5 පවත්වන්නේ නිදි නැතිව රැය පහන් කරමින් බව එම පක්ෂයේම අභ්‍යන්තර ආරංචි මාර්ග සඳහන් කරයි.

කෙසේ හෝ මෙම පරාජය වසාගෙන පක්ෂිකයින්ගෙන් සැඟව යෑම සඳහා එක්සත් ජාතික පක්ෂය මේ වන විට විවිධ උපක්‍රම සොයමින් සිටින අතර එහි උපක්‍රමයක් ලෙස මේ වන විට එක්සත් ජාතික පක්ෂයට සම්බන්ධ මාධ්‍ය හරහා “එජාප තනි ආණ්ඩුවක්” පිහිටුවන බවට වූ පුවතක් පැල කරමින් සිටී.

මෙය පරාජයෙන් කලකිරීමකට පත් එජාප පාක්ෂිකයා අන්දවන ස්වයං වින්දනාත්මක ප්‍රවෘත්තියක් බවට පත්වන්නේ එය ප්‍රායෝගිකව කළ නොහැකි දෙයක් මෙන්ම වත්මන් ආණ්ඩුක්‍රම ව්‍යවස්ථාව අධ්‍යයනය කිරීම තුලිනි.

පාර්ලිමේන්තුවේ බහුතර බලයක් නැති එක්සත් ජාතික පක්ෂයට තවත් පක්ෂයක හෝ වෙනත් පක්ෂවල මන්ත්‍රීවරුන් බිලි බා ගැනීම සිදුකළ යුතුව ඇත.

එසේ සිදුකරන්නේ නම් ඔවුන්ට ඇමතිකම් ඇතුළු වරදාන වරප්‍රසාද රාශියක් පිළිගැන්විය යුතුව ඇත.

එහෙත් මෙයද ප්‍රායෝගිකව සිදුකළ නොහැකි වන්නේ 19 වන ආණ්ඩුක්‍රම ව්‍යවස්ථාවේ 46 වන වගන්තියට අනුව කැබිනට් මණ්ඩලය 30 ට වඩා වැඩි කළ හැකිවන්නේ පාර්ලිමේන්තුවේ වැඩිම ආසන ගත් පක්ෂය සහ ඊට දෙවනුව ගත් පක්ෂයයි අතර සන්ධානයක් වුවහොත් පමණි. 46 (5) වගන්තියෙන් මෙය අර්ථ ගන්වා ඇත.

රනිල් වික්‍රමසිංහ මහතා තනි ආණ්ඩු සංකල්පයට පිවිසීම යනු මෙම 46(5) වගන්තියෙන් බැහැර වන බව වන අතර එහිදී ඔහුට ඉතිරිවන්නේ කැබිනට් ඇමතිවරුන් 30 ක්, රාජ්‍ය සහ නියෝජ්‍ය ඇමතිවරුන් 40 ක් පමණි. එනම් මුලු ඇමතිවරුන් ප්‍රමාණය 70 නොඉක්මවිය යුතු බව ආණ්ඩුක්‍රම ව්‍යවස්ථාවේ 46(1) වගන්තියෙන් දක්වා ඇත.

රනිල් වික්‍රමසිංහට එක්සත් ජාතික පක්ෂයේ තනි ආණ්ඩුවක් වෙනුවෙන් ශ්‍රී ලංකා නිදහස් පක්ෂයේ මන්ත්‍රීවරු සම්බන්ධ කරගැනීමට ශ්‍රීලනිපයේ එකඟතාවය හිමි නොවන අතර එසේ වුනහොත් ශ්‍රීලනිප මන්ත්‍රීවරුන් කිහිපදෙනෙකු බිලි බා ගැනීමට සැලසුම් කරමින් සිටින බවද වාර්තාවේ. එජාපයේ මෙම මෙහෙයුමට බිලි බා ගැනීම සඳහා ශ්‍රීලනිපයේ මන්ත්‍රීවරුන් වන මනූෂ නානයක්කාර , ඉන්දික බණ්ඩාරනායක සහ ශ්‍රීලනිපයේ ප්‍රධානියෙකු සමඟ එජාපයේ ඉහළින්ම ආරාධනා කොට ඇති අතර ඔවුන් එය ප්‍රතික්ෂේප කොට ඇති බවද සඳහන්.

එහෙත් ශ්‍රීලනිපයෙන් හොරෙන් මන්ත්‍රීවරුන් බිලි බා ගෙන ආණ්ඩු පිහිටුවීමට ගියහොත් එය ජනාධිපතිවරයා විසින් ප්‍රතික්ෂේප කරනු ඇති අතර, එසේ ප්‍රතික්ෂේප කිරීමේත් ඇමතිවරුන් පත්කිරීමේත් පූර්ණ බලය පවතින්නේද ජනාධිපතිවරයා අතෙහි වීම සුවිශේෂීය.

අනෙක් කරුණ නම් මෙවැනි තත්වයක් යටතේ එසේ පත්කිරීම සඳහා එජාපයට ඇමතිධුර නොමැති අතර, තිබෙන ඇමතිධුරවලින් එජාපයේ ඇමතිවරුන්ට ඉවත් වී යාමට සිදු වීමයි. ඊට මේ වන විටත් එක්සත් ජාතික පක්ෂයේ මැති ඇමතිවරුන් රැසක් තම බලවත් අප්‍රසාදය පළකොට ඇත.

එජාපයේ මෙම දැවැන්ත පරාජයත් සමඟ ආණ්ඩු බලය පවත්වාගෙන යන්නේ කෙසේද යන්න පිළිබඳව එජාපය ඊයේත්, අදත් අභ්‍යන්තර සාකච්ඡා වට ගණනාවක් පවත්වන ලද අතර ඊයේ එම පක්ෂයේ නායක වත්මන් අගමැති රනිල් වික්‍රමසිංහ මහතා ජනාධිපති මෛත්‍රීපාල සිරිසේන මහතා සමඟ පැය ගණනාවක සාකච්ඡාවක්ද සිදුකරන ලදී.

උපුටා ගැනීම: lankarealnews.com

Recommended For You

About the Author: RSL

2 Comments

  1. ඒකාධිපති හොරා ජනමතයට හිස නමල පාන්දර 5ට එලියට බැහැලැ ගියාට යහපාලනයෙ ප්‍රතිමූර්තිය කියල කියන mr.cleen ලා ජනමතයට පිටුපාල ඔලු ගෙඩි මාරුවෙන් ආණ්ඩු පිහිටවන්න කුමන්ත්‍රණය කරනව.. ජනමතයට හිස නමල පාර්ලිමෙන්තු මැතිවරණ කට ගියානම් නෙද හොද රෙදි අදගෙන ඉන්නවත් …..

  2. The possibilities
    1)The UNP can form a Govt with the support of the TULF,in which case the TULF will want the Govt to fulfill their demands .This will not be possible.
    2) My3 asking MR to form Govt MR has refused.MR wants elections to be held
    3) In my opinion the bes course of action is for My 4 to continue as at present.The advantage will be that at the Presidential election,a common candidate the best I feel is My 3 can contest and with the support of all parties and identifying MzR as common enemy can win the Presidential election.Once they succeed, call for General election ,have the election in the present propotianal representation system and like in 2015 form a Yahapalanaya regime
    If the Yahapalanaya splits,MR will have no difficulty in making the candidate the SLPP puts forward in winning the presidential election.Once this is done he can play the cards as he wishes to.

    FOOD FOR THOUGHT FOR MY3 AND RANIL

Leave a Reply

Your email address will not be published. Required fields are marked *